This Kashmiri version of Shiv Mahimnastotra (Mahimnapaar) was composed by Shri Poshkar Nath Koul and has been reproduced here from the book (with same title) published by and available at the Ashram. The book also contains His commentary which describes the verses in further detail in Kashmiri.
कर्पूरगौरं करुणावतारम् , संसारसारं भुजगेन्द्रहारम् | सदा वसन्तं हृदयारविन्दे , भवं भवानीसहितं नमामि ||
प्रनि खोतु प्रोन छुख च ईश्वर, कोफूर रंगु जोतान
हनि-हनि मँज़ छुई च्य शेहजार, पायि बोड छुख दयावान
संसारस सार केवल चोन, अनुग्रह छु तारान
नागेन्द्र हार छुख चु दअरिथ, डेकि चन्द्रम चे ताबान
सूत्य गौरी यिता घर मयोन, तन मन छुसस अर्पण
शिव शंकर ही जटाधर, हरषेश्वर भगवन ।।
त्रन तापन छुख चु गालवुन, मूल चटवुन चु व्याधियन
कास मर, मर, जनमन हुन्द, शुमरावतम मे हन हन
सूत्य गौरी यिता घर म्योन, तन-मन छुसय र्अपण
शिव शंकर ही जटाधर, हरषेश्वर भगवन ।।
🌹🌹🌹
1. छुख परापर अमरीश्वर, बेअंत छि चअनि महिमा
वेषणूब्रह्म गयि हर्षस, दस्त-बस्त छिय चे देवता
बोद्ध कोत वाती चान्यन गोणन, क्या व्याखनय बु लीला
अडु कलि वचन यिम केंह बु परअ, दयेव बनि चअनि तोतह
सॖत्य गौरी यिता गरअ म्योन, तन मन छुसय र्अ्पण ।१।
2. चोन बजराह छु हदु रोस्तुय, पिलि कोत बोद्ध तु वअणी
वेद यथ नअ वअतय सार लबनस, खूचि खूचि तथ गयवअनी
आश्चर्य छुख च शिवु अनकाह, बेरंगु रंग छि वर्णन
सत्य गौरी यिता गरअ मयोन, तन मन छुसय र्अपण ।२।
3. ब्रह्मवअनी सार ज्ञानअच, माछि खोतअ मोदुर आसान
छिनअ वातान चान्येन गोणन, ॹन तति तिम अन्जान
मूढअ भावु शिवॖ गोण बु वखनान, दयेय शोद्व बनन अन्ताकरन
सॖत्य गौरी यिता गरअ मयोन, तन मन छुसय र्अ्पण ।३।
4. त्रेयि गुणु छुख रुप दअरिथ, विदन मॅज़ चॖ टाकार
चई र्कता चई बरता, ॹगि चई करान संहार
हयेनअ आस मंज़ बकवासस, र्मूखॖ बोज़ छुम में मोहन
सॖत्य गौरी यिता गरअ मयोन, तन मन छुसय र्अपण ।४।
5. कमि मसालॖ सॗत्यकुस विधाता, यथ ज़गतस छु वोपदान
शक सपदान गाटल्येन छुय, राद् होंज़ वअनि तथ दिवान
वाति कोत अकल तथ बजरस, मॖहॖ किनि बकवास करान
सॖत्य गौरी यिता गरअ मयोन, तन मन छुसय र्अपण।५।
6. केंच़न छु शक किथु वोपदान, ब्रह्माण्ड छु टाकार ज़न
केंह सोंचान त्रेनवय भवन, आसवन्य छि जन्मॖ निश बयेन
क्याह सामान दयि दोरूथ, येमि सॖत्य सृष्टि गयि नअन्य
सॖत्य गौरी यिता गरअ मयोन, तन मन छुसय र्अपण।६।
7. वतअ कअच़ाह च़ारि ज्ञानियव, भक्ति सांख्य योग साधन
केंह पुज़ान शिव नावस, केंह वेष्णअ रूपस गयि शरण
च्य्ई मंज़ गयि लय अअखर, नदी नालस यिथॖ समंदरस
सॖत्य गौरी यिता गरअ मयोन, तन मन छुसय र्अपण।७।
8.चोन गअहनय छु भस्मा तबर, वासुक कपाल मृगचर्म
बो्ड दांदा: बेयि मोहला, अर्थ काम मूक्ष रूप र्धम
चोन अनुग्रह वेशियन चटिथ, सोख तॖ आनन्द छु बखशान
सॖत्य गौरी यिता गरअ मयोन, तन मन छुसय र्अपण
शिव शंकर ही जटाधर, हरषेश्वर भगवन।८।
9. केंचव सत केंचव असत्त, ज़ोन आगरूक व्यवहार
यूग साधनायि केंह मअनिथ, केंह माया संसार
रंगॖ_रंगॖ व्यखनय कअरय कअरय, गयि सअरीय हअरान
सार कति लबन अथ सनिरस, पिलि कोत तोत गाटॖजार
र्शमंदॖ छुस बति वनॖ क्याह, मूढॖ भावॖ तोता करान
सॖत्य गौरी यिता गरअ मयोन, तन मन छुसय र्अपण ।९।
10. लोब न वोंत यथ ब्रह्म विष्षन, हेरि बोनअ फीरिथ आय
तथ स्वरूपस गुलि गंडि_ गंडि, बेबस च्यई शरण आय
यी छु र्निणय चानि तोतायि, ज़ान दिच़िथ सनमोख तिमन
सॖत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।१०।
11.चानि भखअच़ सॖत्य बल प्रअविथ, शोथुर गअलि राज़ रावनन
राज़ कोर तमि संसारस, येलि तन मन गोय शरण
कलॖ चअटि चअटि करिन र्अपण, चानि पूज़ि सॖत्य गव मगन
सॖत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।९९।
12. बोज़ बलॖ सॗत्य तऊमि रावनन, यलि अरअ कऻ्र परवतन
अहंकार किनि तऻअम पृथ्वी, खवोरॖ नयोठॖ सॗत्य अलरन
गोख क्रोधस वोलथन मदॗ, लअब न जाय तमि पातलयेन।
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।१२।
13. बाणस्रणीई इंद्र पदवी, चानि वैभव ज़ीनिनय
पादि सीवन बऊर तॗअम, चअनि त्रेयलूकी प्रॖवन
आशितोष छुख नॖनि पअठि च़ई, शिव भक्तयेन टोठन
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर, हरषेश्वर भगवन ।१३।
14. ही त्रअम्बकॖ येलि राक्षस तॖ दीव, खूच़ि सअरीय तॖ आयि शरणीय
पनीन अथॖ चयोथ ज़हर प्याला, करॖथ दया च़ेय शरणीय
नीलकंण्ट पयोई नाव अदॖ च़ेय, मॅंज़ हटिस कोरूथ दारण
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।१४।
15. युस राक्षिसन तॖ बयि दीवन, कामदीव तीर लायन
कोरथन भस्म अकि कटाक्षअ सॗत्य, युस प्रथ ज़ीवस ब्रमरन
सुतिआव शरण पयोय पादन, गोस अनुग्रेह तॗ शोद्ध मन
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।१५।
16. शख सपदान माजि बॖतरअच़, येलि पादॖ जूरि छख अल्रन
भॖज चाने नभु मडॅंलस, आशर्चयस मॅंज़ छि त्रावन
चानि जटु शिव सवरर्गस्र्वग च़क्र पअठि, रक्षायि हनदि छि साधन
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।१६।
17. नबुसीय प्यठ द्रॖव मण्डल, पोस सदरूक छु शुभान
ज़ल सोरीई अख कतराह, ज़गि मन्ज़ बूंद सपदान
अथ कतरस अंदि_ अंदि ज़गत, गतॖरेनि हंदि गथ करन
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर, हरषेश्वर भगवन।१७।
18. चोन रथ छि पानॖ पृथ्वी, यथ सिर्यि चॅंद्रम छि च़खॖर
सारथी तथ छु पानॖ ब्रह्मा, छस कमान पर्वत ज़न
पानॖ भगवान खेल करवॖन, ही शिवॖ आसय शरण
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर, हरषेश्वर भगवन।१८।
19. सास पोश ऊअनि पानॖ विष्णन, पूज़ि करिनय च्य अर्पण
अख पोश शिवॖ चूरि थोवथस, अछ़ कअडन तॖ कऊरन अर्पण
ख्वश गोख शिवॖ अथ भक्ति, तस बखशुथ च्य त्रिभुवन
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन ।१९।
20. मॅंज़ यज्ञिनयेन छुख च़ॖ वरदा, पानॖ बखशान सम्पदा
पज़ि भावनायि हुम कऻऊर कऻऊर, छी च़्य पूज़ान सर्वदा
वीद पऻअर पऻअर बजि श्रद्वायि, छी च़्य पूज़ान पज़ि मन
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।२०।
21. येलि यज्ञ कोर दक्षिराज़न, भाव रोस ओस सॖ यज़मन
तथ यज्ञनस गव सॅंहार, येति देवेन्द्र ऊअसि सभागण
नाश सपदान तॖ वुलटॖ फल दिवान, येलि नॖ भाव आसि करित्येन
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।२१।
22. बूज़ कन्यायि येलि ब्रह्म कामनायि, मनॖ किनि गयि मूहन
ज़नॖ रूसिकिस तथ ब्रह्म मनॖसई, शिकअरय बनिथ तीर लोयथस,
सॖत्य गौरी यिता गरअ मयोन, तन मन छुसय र्अपण
शिव शंकर ही जटाधर, हरषेश्वर भगवन।२२।
23. मन हरनवुन स्वरूप डीशिथ, गयि ऋषि बायन चेष्टा
करनि लुऻऊग तिम पूज़ लिगंसई, अदॖ गयख पूरअ कामन
सुई शिवॖ लिॅंग युस पूज़ान, स्यद गछ़ान तस कामन
सॗत्य गौरी यिता गरअ मयोन, तन मन छुसय र्अपण
शिवा शंकर ही जटाधर हरषेश्वर भगवन।२३।
24. मअज पार्वती च़्यई सनमुख, लोल नयेत्रव छय वुछन
लावी मूरे कामदीवस, अकि द्रष्टि गव भस्म
वर दायक कमॖ_कॖम ज़नि, मूढ़ भावॖ ह्यसु व्यसरन
सॗत्य गौरी यिता गरअ मयोन, तन मन छुसय र्अपण
शिव शंकर ही जटाधर हरषेश्वर भगवन।२४।
25. चानि गिंदनअच जाय श्मशान, भूत प्रतीत संग चु़ॆ आसान
मुशकॖ बदलै भस्मा मलान, कलॖ मालॖ नअलि त्रावान
चअनि यी क्रीडा ही अभूर छय, भकतयेन सदा मॅंगल दिवान
सॗत्य गौरी यिता गरअ म्योंग, तन मन छुसय र्अपण
शिव शंकर ही जटाधर हरषेश्वर भगवन।२५।
26. ज़गि निश ब्यन च़्यथ रूपी, मन तॖ प्राण सोस रूम रूम
आशि टारयव ह्रदयस मॅंज़, आन्नदमय हन हन
नॖ च्य़ रूपा न च्य़ काॅंह रॅंग, बेरंग तिम च्य़ पूज़ान
सॗत्य गौरी यिता गरअ मयोन, तन के मन छुसय र्अपण
शिव शंकर ही जटाधर, हरषेश्वर भगवन।२६।
27. शायि_शायि छुख च़ व्यापक, च़ॖई चद्रंम तॖ आकाश
च़ॖई सूर्य तय च़ॖई वायु, ज़ल पृथ्वी तेज़मान
छु नॖ काहॅं छय च़्य निश बय्न, यथ नॖ चोन रूप बासान
सॗत्य गौरी यिता गरअ मयोन, तन मन छुसय अर्पण
शिव शंकर ही जटाधर हरषेश्वर भगवन।२७।
28. त्रनवय गुण छी च़्य दअरिमत्य, त्रयई रूप छुख च़् पूर्ण
च़्ई छुख आकार,चॖई छुख वकार, च़ई मकार शिव च़रितन
ॐ कार शोद्व तुर्या स्वरूप, ज़ीव ब्योन_ ब्योन च़्यपूज़न
सॗत्य गौरी यिता गरअ म्योन, तन मन छुसय अर्पण
शिव शंकर ही जटाधर हरषेश्वर भगवन।२८।
29. अष्ट नाव चऊन क्याह छि शूभान, वीद यथ नॖ सार कुनि लबन
च़ई छुख भव: च़ई रूद्रा, र्शव पशुपति तॖ उग्रा
महादेवॖ भीमॖ ईशान, र्तुया रूप रछ़ वोन्य
सॗत्य गौरी यिता गरअ मयोन, तन मन छुसय अर्पण
शिव शंकर ही जटाधर, हरषेश्वर भगवन।२९।
30. ज़न्मु ज़नमन ही महादेव, ज़ाॅंह कअरमय नॖ पूज़ चअनि
छुम शरीर वोन्य मोकलयोमुत, आवसिथ पयोसय परण
बुथि कति नमॖ वोन्य शरीर रोस्त, कर क्षमा दोन पापन
सॗत्य गौरी यिता गरअ मयोन, तन मन छुसय अर्पण
शिव शंकर ही जटाधर, हरषेश्वर भगवन।३०।
31. शिव चअनिय निशि आसनस, तथ स्वरूपस छुस शरण
छय च़ेय प्रय जंगलन हॅंज़, अथ बजरस छुस परण
कामदीवनिस भस्म करनस, तथ स्वरूपस च़ेई नमन
मोटे तय लोकुट रूप दअरिथ, ही त्रियमबकअ छुस च़ेई पूज़न
छुख च़ॖ नाशि रोस्त अविनाशी, तथ तुरिया रूपस च़ेई परण
सॗत्य गौरी यिता गरअ मयोन, तन मन छुसय अर्पण
शिव शंकर ही जटाधर, हरषेश्वर भगवन।३१।
32. च़ई सतोगुण, च़ई रजोगुण, च़ई तमोगुण साकार
त्रियगुण छुख च़ई गुणातीत, प्रथ गुणसीई नमस्कार
कर रक्षा वोत्रि आसय शरण, कल्याण रूपस छुई नमस्कार
सॗत्य गौरी यिता गरअ मयोन, तन मन छुसय अर्पण
शिव शंकर ही जटाधर, हरषेश्वर भगवन।३२।
33. अन्ताकर्ण म्यऻऊन ही दयि, दोख तॖ व्यअज़ सोस बासन
छुस बॅ खोच़ान क्षणु_क्षणु, छुम भ्रम तॖ मुह व्यसरावान
कऊर मेय स्मरण चानि नावऊच, खूच़ि_खूच़ि वोन्य बॖ वनवन
सॗत्य गौरी यिता गरअ मयोन, तन मन छुसय अर्पण
शिव शंकर ही जटाधर, हरषेश्वर भगवन ।३३।
34. योदवय पृथ्वी आसि कागज, समंदर बनि दवात
कल्पवृक्ष आसि कलम बदलय, न्यूल पर्वत मील जन
सरस्वती योद रोज़ि लेखान, तोति हऊरनय चअनि गोण
सूत्य गोरी या धर मयोन, तन मन छुसय र्अपण
शिव शंकर ही जटाधर, हरषेश्वर भगवन ।३४।
35. प्रथ दोहा युस पज़ि भावु किनि, परि लोलु सान यि त्वता
शिवमय बनि आयुश्मान, पुत्रवान बेयि धनवान
वैभव तस प्रथ सातन, मान तीज़ बेयि अत्र धन
सूत्य गौरी यिता धर म्योन, तन मन छुसय र्अपण
शिव शंकर ही जटाधर, हरषेश्वर भगवन ।३५।
36. तीर्थ स्थान बेयि धार्म कऊिर कऊिर, तन मन युस नावन
तप जप तय हुम करविन, रित-रित फल प्रावान
युस महिम्नापार नयेथ परि, अष्टगण फल छु प्रावन
सूत्य गौरी यिता धर मयोन, तन मन छुसय र्अपण
शिव शंकर ही जटाधर, हरषेश्वर भगवन ।३६।
37. पुष्पदंत पननि पंकज, मोखु छु वो्नि व्यखनान
खोश आयि सु शिवनाथस, वर दयुतनस सनिदान
परि काँह या बोज़ी काँह युस, शिव तस प्येठ छु ख्वश गछन
सूत्य गौरी यिता धर मयोन, तन मन छुसय र्अपण
शिव शंकर ही जटाधर, हरेश्वर भगवन ।३७।
38. छुस बू शिवु बजि भावनायि, अख वर चे सनमोख मंगान
कऊर मे त्वता पऊर में लीला, पादु जोरि पूजा करान
रोज़ संतुष्ट ही रक्षपाल, श्रम करतम में इंद्रायन
सूत्य गौरी यिता धर मयोन, तन मन छुसय र्अपण
शिव शंकर ही जटाधर, हरेश्वर भगवन
पूज़ि लागय चऊिर चअरी, भाव पम्पोश चरणन ।३८।
🌹पोशिबब आश्रम प्रस्तुत 🌹
Copyrights reserved with Pushkara Swami Seva Ashram.